دهان المشغولات الخشبية والمعدنية

عن يا أسطي دوت كوم آخر تعديل 2022-08-24T08:07:16+00:00
هناك طرق كثيرة لدهان المشغولات الخشبية والمعدنية وسوف نتعرض فيما يلى للانواع الشائعة الاستخدام فى الاثاث المنزلى والابواب والشبابيك والاثاث المعدنى والاسوار المعدنية

دهان الجمالكة (الاستر)

حيث تتبع الخطوات الاتية :

  1. يصنفر الخشب جيدا في اتجاه الالياف و يصبغ بالصبغة او اللون المطلوب (تفتةحلوة. حصي جوز. حصي ماهوجنى) مذابا في الماء ويترك ليجف.
  2. يصنفر السطح صنفرة خفيفة لازالة الالياف التي قد تبرز علي السطح
  3. يسقي السطح بالجمالكة الذائبة في الكحول بنسبة 5:1 في اتجاه الالياف عدة اوجه حتي يتشبع السطح وتتوقف قدرته علي الامتصاص. وذلك باستخدام الاسطبين
  4. تعالج عيوب السطح باستخدام معجون الغراء الملون بحيث تكون درجة لون المعجون اقل من درجة لون الصبغة. وبعد تمام جفافه يصنفر السطح جيدا.
  5. يستكمل سقية السطح بالجمالكة المخففة بالكحول بنسبة 10:1فى اتجاه الالياف ذهابا وجيئة حتي يبدا فى اللمعان.
  6. يخدم السطح بنفس الاسطبين مع اضافة نقطة من زيت الطعام, ورش قليل من مسحوق الخفًاف. ويتم ذلك بتحريكه حركة دائرية, او اهليجية
  7. يتم تلميع السطح باستخدام اسطبين مبلل بالكحول .ونقوم بدعك السطح حتى يجف الاسطبين.ويمسح السطح بالشاش الجاف .

دهان الزيت :

لدهان الاخشاب ببوية الزيت اللامعة يجرى الاتى:

  1. يصنفر الخشب فى اتجاه الالياف, ويبطن السطح ببطانة زيت (50% زيت مستوى + 20% نفط + 30% زنك) مع اضافة قليل من اللون المطلوب. ويترك لمدة 24 ساعة حتى يجف تماما.
  2. يمعجن السطح بمعجون اندويل (معجون زيتي)ويترك حتى يجف, ثم يصنفر بصنفرة متوسطة الخشونة.
  3. يدهن السطح بوجه ثان زيت (30% زيت مستوى + 20% نفط + 50% زنك) مضافا اليه اللون المطلوب. ويترك 24 ساعة ليجف.
  4. يدهن السطح وجها اخيرا بالزيت (50% زيت مستوى مع قليل من السيكاتيف + 50% زنك ولون) ويترك حتى يجف.

دهان الزيت (تشطيب اللاكيه):

وهذا النوع شائع الاستخدام فى الابواب والشبابيك والمطابخ. حيث يجرى الاتى:

  1. يصنفر السطح جيدا. ثم يدهن بطبقة الاساس.  وتتكون من (50% سلاقون بودرة + 30% نفط + 20% زيت)
  2. يمعجن السطح بالمعجون الزيتى (معجون اندويل) او المعجون الجاهز. وبعد تمام الجفاف يصنفر السطح جيدا.
  3. يدهن السطح وجه بطانة من الزيت والزنك والنفط .مع اضافة اللون المطلوب. وبعد تمام الجفاف يلقط السطح بنفس المعجون. بعد اضافة قليل من اللاكيه ويصنفر جيدا.
  4. يدهن الوجه الاول نصف مط ببويه مكونة من خليط الزيت والزنك والنفط التى تترك لمدة مناسة (تخمر) ويضاف اليها اللاكيه بنسبة 1:1 مع اللون المطلوب.
  5. يدهن الوجه الاخير باللاكيه المخفف بالنفط (10% نفط) مع اضافة اللون المطلوب.

مع ملاحظة انه يوجد بالسوق عبوات من البويات واللاكيهات بالالوان المطلوبة. وفى كل الاحوال يجب قراءة تعليمات الدهان الموجودة على العلبة واتباعها.

دهان الارضيات الخشبية:

قبل القيام بعملية الدهان يجب اعداد السطح جيدا. وذلك باجراء عملية الكشط (يدوى اومكنى) ثم الصنفرة جيدا.
لدهان الارضيات الجديدة (الباركيه) بالشمع يجرى الاتى:

  1. تدهن وجه ورنيش (ورنيش فلاتنج)وتترك حتى تجف تماما.
  2. تدهن الارضية بزيت التربنتين, وتترك فترة للجفاف.
  3. تدهن الارضية بالشمع بقطعة من القماش الجاف اللين. وتترك يوما اويومين.
  4. تلمع الارضية بقطعة من القماش الصوف الجاف.

ولاعادة الدهان للارضيات الباركيه المدهونة بالشمع يجرى الاتى:

  1. تزال الاتربة والبقع بزيت التربنتين.
  2. تدعك الارضية كلها بزيت التربنتين. وتترك فترة قصيرة.
  3. تدهن الارضية بالشمع, وتترك يومين حتى تجف جيدا, وتلمع بقطعة من القماش الصوف الجاف.

اما فى حالة الارضيات السويد, فانه يجرى كشط وصنفرة الارضية جيدا, ثم يتم اجراء الدهان كالاتى:

  1. يدهن الخشب وجهين بالزيت الصافى, او الملون بالالوان الطبيعية الشفافة حسب الطلب.ويترك حتى يجف.
  2. يدهن وجهين بالبلاستيك (الفلوت) المخفف بالتنر.مع ملاحظة عدم اجراء اى دهان الا بعد تمام جفاف الوجه السابق.

دهان المشغولات المعدنية:

للقيام بدهان المشغولات المعدنية مثل الاثاث المعدنى, والابواب والشبابيك, والاسوار الكريتال, و ذلك للمحافظة عليها من الصدا واعطائها المظهر الجميل يجرى الاتى:

  1. يتم صنفرة السطح باستخدام الصنفرة الحدادى, مع اضافة قليل من النفط المعدنى حتى يلمع.
  2. تعطى طبقة الاساس المكونة من البريمر الجاهز المخفف بقليل من التنر. وذلك باستخدام الفرشاة.
  3. يسخدم معجون الزيت المضاف اليه قليل من الاكيه بغرض الحصول على سطح خال من العيوب. وبعد تمام الجفاف يصنفر جيدا.
  4. يدهن السطح وجها نصف لاكيه (50% لاكيه جاهز + 20% زيت مستوى + 10% نفط + 20% زنك ولون) وبعد تمام الجفاف يصنفر السطح.
  5. يدهن وجه اخير مكون من(90% لاكيه + 10% نفط).

يمكنك الاستعانة بأحد محترفي الدهانات المسجلين في الموقع


من كتاب "الصيانة المنزلية" نشر الأهرام للترجمة والنشر

 

 

العناصر المرتبطة

وثيقة الأفعال

وثيقة الأفعال

شخص ما يقول
2020-07-20 03:52

الدهانات

ارسلت بواسطة محمد حسن السيد عند 12/07 2007 14:30

شكرا على المجهود الذى بذلتموا بس انا ليه تعليق بسيط فى بعض المصطلحات العلمية صعبه علينا مثل زيت مستوى مامعناه وهل يستخدم اللاكية المط مباشرة بدون اى اضافات اخرى

شخص ما يقول
2020-07-20 03:52

الدهانات

ارسلت بواسطة يا أسطي دوت كوم عند 12/07 2007 14:30

ليس لدى تعريف مناسب, ولكني سوف أحصل عليه من بعض المختصيين أن شاء الله, ولكن يمكن أت تضيف تعليقك في منتدي الحوار حتي يكون متاحا لجميع الزائرين, لعل البعض يستطيع الإجابة عن سؤالك

شخص ما يقول
2020-07-20 03:52

سوال

ارسلت بواسطة احمد عند 10/09 2008 09:43

ممكن اسعرف ايه هو الاسطبين؟؟

مع جزيل الشكر

شخص ما يقول
2020-07-20 03:53

رد

ارسلت بواسطة ismael عند 25/10 2009 07:55

الاسطبين هو قطعة قطن يتم قطعها على قد يد المستخدم ويتم لفها على الخشب قبل الدهان بيهاااااا ويتم لفها فى اتجاة دائرى فترة وذلك لكى يتم استخدامها فى الدهان دون ان يخرج منها الياف على الخشب اثناء الدهان وبس

شخص ما يقول
2020-07-20 03:53

دهان المشغولات الخشبية والمعدنية

ارسلت بواسطة AHMED SHARAF عند 02/10 2008 23:09

الموضوع جميل بس ممكن كتيير مايكنوش سمعوا على بعض المصطلحات ، وانا حاقولكم على النقاط الهامة ويجب ارتداء قفاز مطاطى قيل الدهان حيث ان الصبغة تظل ظاهرة عدة ايام على الجلد ، يتم دهان الاستر او الجمالكة للاسطح الخشبية بحيث تظل سمرة الخشب ( الالياف ) ظاهرة بعد الدهان لذلك يجب الحرص عند استخدام اى معاجين باعدادها من الغراء والصبغة لتكون بنفس لون الخشب ، ويتم الدهان باستخدام قطعة من القطن ( الزفر )اى الخام قبل التنجيد لان القطن الطبى بيفتل وماينغعش وقطعة القطن دى اسمها اسطبه او اسطبين وماينفعش الدهان بالفرشاة، ودهانات الاستر تعتبر اغلى من دهانات اللاكية حيث المصنعية غالية ويلزمها عناية ووقت لتكون النتائج مرضية ،

شخص ما يقول
2020-07-20 03:54

رأيكم

ارسلت بواسطة mm عند 13/10 2008 10:25

انا عملت غرفة أطفال النجار عمل شغل الأيمه على فيبر والأبلكاش فى منه ابيض وفى غامق وكنت عاوزه ادهنها اسطر من غير قشره الاسطرجى قال مش هاتنفع ولونها مش هايكون حلو وفضل اللاكيه بس انا بيتهيء لى ان اللاكيه بيتجرح ويقشر وعلاجه صعب لكن الأسطر عملى أكتر ياريت تقولولى رأيكم .

شخص ما يقول
2020-07-20 03:54

الرد على الدهان بالاكيه

ارسلت بواسطة أسامة مبروك عند 15/10 2008 10:07

السلام عليكم, تفضلى بقبول الرد http://www.yaosta.com/forums/forum-20/16395098

شخص ما يقول
2020-07-20 03:55

عايز شغل جديد بهقل تكلفه

ارسلت بواسطة علاء الشيخ عند 20/03 2009 22:23

عايز اشوف شغل جديد رائع بتكلفه اقل

شخص ما يقول
2020-07-20 03:55

افضل الدهانات

ارسلت بواسطة رهف احمد عند 17/03 2013 14:39
عايزه اعرف ايه افضل فى الدهانات القشره ولا الدوكوا ام اللاكيه
شخص ما يقول
2020-07-20 03:55

رد

ارسلت بواسطة ismael عند 25/10 2009 07:55

طريقة خطا والى هيستعملهاااااا هيبوظ خشب الارضية ويضطر يقشط من جديد

شخص ما يقول
2020-07-20 03:55

دهانات الاسطح المعدنية

ارسلت بواسطة embarez kamel عند 13/11 2009 20:23

ا فضل وسيلة للحفاظ على الاسطح المعدنية وباحدث الالوان واثبتها هودهانات الالكتروستتيك لجميع اعمال الحديد (الكريتال والفورجية) والالمنيوم على ان تكون هده الاسطح خام وليس عليها اى دهنات اخرى مثل الدوكو او اللاكيه وخلافه عدا الالكتروستتيك.

اه

شخص ما يقول
2020-07-20 03:56

طرق التحضير للمواد

ارسلت بواسطة محمد السيد عليوة عند 28/01 2010 21:32

السلام عليكم اخي الكريم اود ان اشكرك علي مجهودك الرائع في خدمتنا و اود ان اعلم منك بعض الاشياء ولتتفضل علي بمعرفتها ويكون لك جزيل الشكر وهي اني عايز ادهن ابواب الشقه بالاستر ولكن هاشطبها بالمط عن طريق الرش ولكن ليست هذه المشكلة فالمشكله كلها في عمليه التأسيس للدهان ويوجد بعض المشاكل عندي في كيف اجهز الادوات والخامات مثلا: 1- طريقة تحضير الصبغة الاولية. 2- طريقه تحضير معجون الرغراء. 3- طريقة تحضير الجمالكة مع الحكحول. 4- انواع الخامات واساميها التجاريه الدارجه عند الموزعين.

شخص ما يقول
2020-07-20 03:56

الالوان

ارسلت بواسطة ابو على عند 30/04 2010 10:25

اخى الحبيب اشكر على المجهود المبذول بس كان عندى استفسار بالنسبة لللاوان ازاى اجيب اللون النحاسي هو طالع جديد وازاى احصل على لون بنى مقارب للون الشكولاتة يعنى ازاى اضرب الاوان دى اتمنى انك تفيدنى وترد عليا لو تكرمت

شخص ما يقول
2020-07-20 03:56

عوزة اعرف الدوكو افضل ولا الاستر

ارسلت بواسطة شيرين عند 23/09 2010 09:11

السلام عليكم ورحمة الله وبركاته الحقيقة انا عروسة جديدة وبجهز عفشى والنجار فى الدهان قالى عوزة دوكو ولا استر وانا مش عرفة الافضل فيهم ايه واية اللى عملى واية اللى شكله حلوة وخصوصا انى عوزة اعمل حاجة جديدة وبحب الدهان اللى فى لمعة يعنى الدوكو ولكن فى ناس كتير بتقول انه مش عملى فهل ده صحيح فعلا مع العلم انى اعرف انه اغلى من الاستر فممكن حد يفدنى ويقولى اى واحد فيهم افضل لغرفة سفرة هى الوحيدة اللى عوزها دوكو عشان تكون مختلفة مع العلم انى مختاره عفش مودرن يعنى مفهمش اى اويمات ولكم جزيل الشكر وكل سنة وانتوا طيبين وياريت تفيدونى وانا فى انتظار ردكم

شخص ما يقول
2020-07-20 03:57

ahmedelnajar79@yahoo.com

ارسلت بواسطة ahmedelnagar عند 09/10 2010 08:36

انا بشتغل مدير مصنع صغير انا افضل ليكى دهان الاستر لانه بيظهر تجازيع الاخشاب اما الدكو من الدهانات المعتمه والى بتخفى تجازيع الخشب يعنى فى الحاله ديه بيكون الموسكى زى القرو

شخص ما يقول
2020-07-20 03:57

سوال محير

ارسلت بواسطة Yousef عند 17/10 2011 20:47

انا اعمل في صيانة الالات الموسيقية .لاكن انا محتار الان في طريقة تلميع الالات الموسيقية مثل الة العود ان هذة اللمعة غير عادية ولم اتمكن من معرفة اصولها لان معظم الالات مصنوعة بنفس الطريقة هل من جواب؟

شخص ما يقول
2020-07-20 03:57

رد

ارسلت بواسطة ابراهيم المصرى عند 27/11 2011 21:56
دهان الاستر من اجمل الدهانت لاسباب كثيرة اولا قلة التكاليف سهولة تحضير الخامات بالاضافة الى سمرة الخشب (السمرة هى تجازيع الخشب )
لدهان اى شىء من الخشب يتبع الاتى
يسنفر الخشب جيدا فى اتجاة سمرة الخشب مع مرعاه التظيف باستمرار من اثار السنفرة
تحضير البطانة: لون بنى محروق 3 ملعقة أكل كبيرة حصا جوز 2 كيس حصا جوز بنى ملعقة كبيرة طينة محروقة ربع كيس اسود مياه كل دى من عند الموان وانا بكلم عن الموانين فى مصر
يضاف هذه الكميات فى 1لتر مياة ويترك على النار لمدة ربع ساعة مع التقليب جيدا
احضار قطعة قماش نظيفة يفضل قماش مصنوع من القطن وناخذ من الخليط بعد ان يبرد مع التقليب وندهن فى اتجاة سمرة الخشب وتترك حتى تجف
والباقية تتاتى ابراهيم المصرى 01005246742
شخص ما يقول
2020-07-20 03:58

دهان الاستور

ارسلت بواسطة عمر عند 11/11 2013 10:29
شكرًا علي المعلومات القيمة و لأكن لدي سؤال لو عايز أسيب الخشب علي لونة بس اخلي الثمرة تبان اكتر مع العلم أني بدهنوة بالجملكة
شخص ما يقول
2020-07-20 03:58

دهنات المشغولات الخشبية

ارسلت بواسطة صباح احمد عبدالرحمن عند 17/10 2011 20:48
موضوع رائع
ومجهود اكثر من رائع
سؤال :
عندى طرابيزة مدهونة اسطر وبهت من مسحها بالماء
واريد تثقبل اللون بنفس الدرجة
نرجو المشورة
شخص ما يقول
2020-07-20 03:58

]دهان المطبخ

ارسلت بواسطة fotty عند 28/04 2012 17:30
انا عندى مشكلة بليز ياريت تقولى ازاى ادهن المطبخ بتاعى بالون الاحمر هو المطبخ خشب ارو بجد ياريت تفيدنى
شخص ما يقول
2020-07-20 03:58

مطلوب اسطرجي

ارسلت بواسطة إسلام عند 31/12 2012 15:38
سلام عليكم

عندي 4 شبابيك و 5 ابواب كبس وقشرة وعايز أعملهم اسطر عادي بندقي
بدور علي اسطي اسطرجي ومستعجل عليهم.

ارجو الرد والاتصال
01156119705
شخص ما يقول
2020-07-20 03:59

دهان دولاب

ارسلت بواسطة احمد سعيد عبد الظاهر عند 31/12 2012 15:38
لوها ادهن الدولاب من الخارج لاكية ينفع يدهن من جوةستور
شخص ما يقول
2020-07-20 03:59

دولاب خشب

ارسلت بواسطة نورى الاسلام عند 17/03 2013 14:39
عندى دولاب خشب 120
عايزه ادهنه بنفسى
هو خشب ابيض مش مدهون قبل كده
عايزه ادهنه زيت او لاكيه
عايزه اعرف الخامات اللى هشتريها
وطريقة استخدمها
وياريت كمان اسعارها لو سمحتم

ارجو الرد ضرورى
شخص ما يقول
2020-07-20 03:59

شباك خشب

ارسلت بواسطة أسامه عبد السلام رجب عند 28/03 2013 09:35
انا كمان عايز ادهن شباك خشب
ياريت الرد يا جماعة الخير
انا عرفت ان المطلوب هو ( سلقون+زيت+زنك+جاز ) وجبت الحاجات دي
عايز اعرف بقي طريقة خلطهم واستخدامهم
وعايز بعد كدة ادهنة لون ابيض ايه فضل حاجة اشتريها علشان ادهنة ابيض واستخدمهما ازاي برضة
ياريت الاهتمام من الاعضاء ضروري
شخص ما يقول
2020-07-20 03:59

دهان شباك خشب

ارسلت بواسطة أسامه عبد السلام رجب عند 21/05 2013 16:33
عندي شباك خشب لسة جديد مش مدهون خالص (يعني خشب ابيض) عايز ادهنة في ناس قالولي علي دهان السلقون علشان يحمية بعد كدة اللاكية الابيض علشان اللون بس مش عارف ازاي اعمل خلطة السلقون دي بالظبط

هل في علب لاكية تستخدم لحماية الخشب بدل السلقون وبعدين ادهن الاكية الابيض لو فية ياريت تقولي اسمها ايه وطريقة الاستخدام

ياريت الاهتمام والشرح بالتفصيل ولكم جزيل الشكر
شخص ما يقول
2020-07-20 03:59

ما اسم معجون الخشب المستعمل قبل الدهان

ارسلت بواسطة احمد حسن الحسيني عند 07/09 2013 06:47
ما اسم معجون الخشب المستعمل قبل الدهان
شخص ما يقول
2020-07-20 04:00

عمل المذهب

ارسلت بواسطة مسلمة عند 10/10 2013 14:11
لو سمحت ليه لما دهنت الجملكة مع ملمع المذهب لاحظت ان المذهب الايطالى بيشقق وبينطفى غير طبعا الفيون مش حصل له شئ

هل الجملكة هى السبب يعنى كان مفروض الاول ادهن الملمع وبعدها الجملكة لانى لما اشتريت البائع قالى اخلط الاتنين وادهن بيهم
جزاك الله خيرا مقدما
شخص ما يقول
2020-07-20 04:00

ضع السؤال فى المنتدى

ارسلت بواسطة أسامة مبروك عند 10/10 2013 14:17
السلام عليكم,
برجاء وضع سؤالك فى منتدى الحوار - منتدى الدهانات
شخص ما يقول
2020-07-20 04:00

ممكن سؤال

ارسلت بواسطة أسامه عبد السلام رجب عند 14/10 2014 08:45
هل يمكن استخدام معجون الدكو في الاخشاب
إضافة تعليق

يمكنك إضافة تعليق بمليء هذه الاستمارة. سيتم مراجعة التعليقات للموافقة قبل النشر