الأخطاء التي تواجهنا و احنا بنختار الوان بيتنا

عن يا أسطي دوت كوم آخر تعديل 2021-01-03T10:29:15+01:00
. الله درجه اللون ديه حلوه هعملها في بيتي رقم اللون ايه ؟؟ !!!! .بنجهز بيتنا و مش عارفين ننسق الألوان و نعمل الوان ايه؟؟ !!! الأسئله ديه و أكتر بنسألها لما نوضب بيتنا خليكوا معايا .....

السلام عليكم ... معاكم هبه أحمد و النهارده هنتكلم عن معظم الأخطاء اللي بتواجهنا و احنا بنجهز لبيتنا و خاصة اختيار الألوان , اول لما بنقول اللون  بيجي في دمغا الوان الحوائط و ازاي هنسقها مع باقي عناصر البيت زي الفرش و الاكسسورات و بنخاف نختار الوان مش متناسقه مع بعض و الدنيا تبوظ مننا.

طيب ايه الحل؟ ... حل المشكله ديه محتاج تخطيط كويس جدا جدا لكل حاجه في البيت مش بس الوان حوائط ... لا الوان حوائط مع فرش مع سجاد مع ستاير مع اكسسوارات مع اضاءه و نحط تحت الاضاءه ديه خط عشان هنرجعلها تاني المهم كل ده لازم نخططله كويس و عشان كده الناس بتروح لمهندس الديكور عشان يخططوا مع بعض كل حاجه عن طريق اقتراحات و صور للمكان قبل مايتنفذ و الرسومات التنفذيه لسهوله تنفيذ المكان بدون اخطاء
, و لان في ناس معندهاش امكانيه انها تروح لمهندس ديكور هقولهم ركزوا جدا في خطوه التخطيط لكل شئ و جمعوا افكاركوا ... عندكوا كذا طريقه زي الكتالوجات و الصور من علي مواقع زي pintrest وخدوا وقتكوا جدا في الخطوه ديه ... السرعه في المرحله ديه هتكون ضدكوا ,
عدت مرحله التخطيط علي خير و خلاص جهزنا الألوان و عملنا درجه اللون الجميله الي شوفناها في بيت صحابنا و بقيت الألوان الي اخترناها من معرض الألوان بس اتفاجئنا ان مش هي ديه الألوان الي شوفناها و مش هي ديه الألوان الي اخترناها ... وده ليه؟ ... نسينا حاجه مهمه جدا ... الأضاءه !! ايوه الأضاءه ... الي قولنا من شوية هنرجعلها و ده عشان الاضاء عندك في البيت غير الاضاءه الي في بيت صحابك غير الاضاءه الي في معرض الألوان و عشان نتغلب علي المشكله ديه هنجيب الألوان الي اخترناها و نعملها عينات علي الحيطه و نشوفها في نورالشمس هتبقي ازاي و باليل في اضاءه البيت الي اخترناها سواء بيضه او صفرا في المكان و بكده هنقدر نختار الدرجه من غير ما نندم ابدا.

اخر حاجه عايزه اقولها لما نيجي نختار ألوان البيت, نحاول نختار الون تناسب المكان زي ايه مثلا ؟؟؟ مثلا نبعد عن الألوان الي طاقتها عاليه (الألوان الناريه )   
  
في الاماكن الي بنحتاج نقعد فيها و نرتاح زي الليفنج او اوض النوم الالوان ديه هتوترنا و مش هتخلينا نقدر نقعد في المكان كتير و لا نعرف ننام فيه بسهوله و هتكلم عن موضوع الألوان و طاقتها علينا في حلقه تانيه استنوني  .......

المهندسة هبه أحمد خبيرة الديكور والجماليات


تفاعل مع الصفحة

تفاعل مع الصفحة