طوب التكسيات

هنتكلم في المقال ده عن طوب التكسيات (كسوه) وده ليه أنواع كتير منها:
1-الطوب الحراري: هو عباره عن كتله من صهر السيراميك وبنشوفه كتير كبطانه للافران والمواقد لقدرته الكبيره علي تحمل درجات الحراره العاليه وممكن كمان في الحوائط بدل مااكسيها سيراميك استخدم طوب حراري (((منظره الجمالي رائع وفي ديكورات كتير بتعتمد عليه خصوصا ان اسعاره مناسبه لجميع الفئات))) وسمكه بيبقي حوالي 2سم
2-الطوب السورناجا: وده بيشبه الطوب الحراري بس ضهره شبه ضهر السيراميك وده غاليا متوافر منه كل الألوان وبرده بيعمل شكله جمالي كويس
3-الطوب الهاشمي(حجر هاشمي): وده بيتقطع من الجبل زي الرخام بالظبط بس هو أضعف من الرخام وفي منه ناعم وخشن وشكله كويس جدا وبيستخدم بكثره في واجهات الفلل والعماير
4- الطوب الزجاجي: عباره عن قوالب زجاجيه شبه المكعب وبيتصمم بأشكال فنيه كتير وفي منه الشفاف والملون وكل ماكان لونه قاتم سعره بيزيد وبنشوفه كتير في المحلات والمكاتب والمطاعم وأيضا في الشقق لسهوله تنظيفه وهو منفذ للضوء بس مبيدخلش هوا ومانع لدخول الماء بس سعره غالي
5- الطوب الفرعوني: وده عباره عن بلوكات من الحجر الجيري وبتقطع بسمك صغير وبنجيب نحات يمسك كل طوب يخشنها (يعملها وش جبل) .

*** لسه مخلصناش كلمنا عن الطوب احنا حبينا نتكلم عنه بشكل عام الأول وبعدين هنحاول نضيف بعض الملاحظات الخاصه....تابعونا


تفاعل مع الصفحة

تفاعل مع الصفحة