امانة نجار

تاريخ النشر:  July 25. 2020

السلام عليكم
انا عملت حجرة سفرة و حجرة اطفال عمولة عند نجار علشان اضمن الخشب و الشغل

و فعلا ابتدى الشغل فى غرفة الاطفال و بعد ما اخد مبلغ من المتفق عليه قالى ان غرفة

السفرة مش بيعملها فى الورشة عنده و لكن بيعملها فى ورش القوات المسلحة و انها هتكون

تحفة لان هناك احدث الات بس دة ما كنش اتفاقنا و كنت عايزة اشوفها و اتابعها و لكن

قالى السفرة هتكون مفاجأة و ما ينفعش اشوفها و ما كنش اقدامى غير انى انتظر لانه اخد

مبلغ كبير

و بعد ما جاب السفرة و هى عبارة عن بوفيه و 2 نيش و ترابيزة و 6 كراسى كانت

جميلة جدا و استلمتها و دفعت باقى الفلوس

و لكن المفاجأة الحقيقية ان كل الحليات و شغل الديكور كان جبس و دة عرفته بعدها لما

اتكسرت واحدة منها و هما بيطلعوها على السلم

و من وقتها و انا زعلانة جدا جدا و مش عارفة اعمل اية غير انى بقول حسبى الله و نعم الوكيل

و هل القوات المسلحة ممكن تعمل شغل زى كدة مش معقول وهل غش النجاريين يوصل لكدة انا فعلا مش عارفة اعمل اية؟؟؟؟؟

فى انتظار ردودكم


:
محمود سلامه
محمود سلامه يقول
August 26. 2010

طبعا دا غش لانه مفروض اتفق مع حضرتك علي عمل اويما خشب طبيعي مش اويمات من ابوليستر وهي ماده سائله تضاف اليها مواد صلبه تصب في قوالب تعطي الشكل المطلوب كان لابد ان ترجعي اليه بضاعته لانه غش ما دام لم يتفق مع حضرتك من البدايه علي عمل منتج ليس من الخشب الطبيعي وحضرتك غلطانه ما دام لم يصنعها في ورشته اكيد اكيد هو غير قادر علي تصنيعها اكيد هو اشتراها جاهز اكيد القوات المسلحه مش محتاجه تغش في المنتجات وانتي تعلمين ان ما اوفر الايدي العامله بالقوات المسلحه وتوافر الخامات وربنا يعوض عليكي

إضافة تعليق

يمكن إضافة تعليق من هنا ثم الضغط علي زر الجواب