رشح في سقف صالة جاري، وحمامي في مكان بعيد؟
تاريخ النشر: December 04. 2014
آخر تعديل
2020-11-29T23:18:42+00:00
لدي مشكلة ملخصها في أن شقتي تقع في الدور الأخير تحتها شقة، شقة جاري اللي تحتي فيها بمسافة ( نصف دائرة كدا) من المحارة تقع من سقف جاري في نهاية سقف الصالة بتاعته = اللي هيا في نفس الوقت أرضية الصالة بتاعتي..
وانا الحمام بتاعي بعيد؟ وكمان مش عامل عازل له - معملتش عازل عشان لو فيه ميه متتسربشي خارج الحمام دا كان تفكيري وقتها -
المهم جبت سباك وعمل اختبارات للمواسير وللصرف وللبانيو، قام ملا البانيو بالمياه واغلق الصرف بتاعه عشان نشوف لو الماسورة بتسرب او حاجة وقعدنا 24 ساعه ومفيش اي تسريب حصل الحمد لله او المياة نقصت؟
وبعد كدا الفراغات في ارضية حمامي مليتها بالاسمنت الابيض ...وعملت اختبار تاني " قفلت كل الحنفيات في شقتي ونزلت بصيت علي العداد عشان لو كان شغال يبقا فيه فعلا حاجة بتسرب، بس برضه ملقتش العداد بيتحرك اساسا..؟!
المهم انا حمامي جمب المطبخ وجاري اللي جمبي في نفس الدور حمامه ومطبخه لازق في حمامي ومطبخي فهل ممكن يكون التسريب من جاري ومشي تحت البلاط عبر الرمل ووصل الي اضعف نفطة في السقف بتاعي وبتاع جاري وظهر عنده؟ خصوصا ان واجهة العمارة من ناحيتي بدأ يظهر فيها بعض النشع شبه السحاب بتاع السماء...
ايه الحل؟
هل لابد من تكسير الحمام، وإعادة تركيبه مرة تانية؟ طب لو كسرنا الحمام وعملناه من جديد واستمرت عملية البقع عند سقف جاري يبقا المشكلة فين؟
مفيش اي حل نكشف بيه الموضوع يا جماعة؟ ياريت لو حد يقدر يساعد يقولي...