استفسار عن شقة مدهونة جير و حالتها سيئة
تاريخ النشر: July 04. 2014
عن عادل مدكور
—
آخر تعديل
2020-07-25T06:33:51+00:00
السلام عليكم .. عندي شقة صغيرة مدهونة جير و عايز أدهنها بلاستيك
(الحالة العامة) : في كذا مكان في الحيطة ضعيف و مشروخ و لما بخبطه حبطة بسيطة بسن سكينة المعجون بلاقي طبقة الجير وقعت و ألاقي وراها طبقة رمل سمكها حوالي 2 سم و جزء كبير من الرمل ده بيقع مع الخبطة بتاعت السكينة , أما معظم الحوائط (حوالي 70%) فهى متماكسة لحد ما , اللهم إلا بعض الاجزاء الضعيفة جدا زى اللي ذكرتها دي و مساحة صغيرة كدا مكسورة و ظاهر الطوب الاحمر
(الأسئلة)
1. إيه الخطوات اللي حامشي عليها عشان أحولها من حالتها دي لبلاستيك
2. طبقة الرمل دي مش فاهم معناها ؟؟ ليه الساكن السابق عاملها ؟؟ و إزاى أرمم المحارة بتاعتها ؟؟؟
4. ايه نسبة الأسمنت للرمل في مونة المحارة في كل من الطرطشة و البطانة ؟
شكرا جزيلا